پیپلز پارٹی نے ٹائیگر فورس کی حیثیت کو عدالت میں چیلنج کرنے کا اعلان کر دیا

 

کراچی(ڈیلی پاکستان)پاکستان پیپلز پارٹی نے ٹائیگر فورس کی حیثیت کو عدالت میں چیلنج کرنے کا اعلان کر دیا کراچی پریس کلب میں میڈیا سے گفتگو کرتے ہوئےپیپلز پارٹی کی مرکزی رہنما پلوشہ خان نے کہا کہ وفاقی کابینہ اپوزیشن کے جلسوں کے بجائے عوام کے مسائل ڈسکس کرے ادویات مہنگی اور لوگوں کی قوت خرید سے باہر ہیں، ٹائیگر فورس لالی پوپ ہے،یہ بھتہ خوروں کی فوج جب چاہے گی کسی کے گھر میں داخل ہو جائے گی۔ پلوشہ خان کا کہنا تھا کہ یہ ماورائے قانون اور آئین کے خلاف ہے جو ہمیں قبول نہیں اسے چیلنج کیا جائے گا۔ان کا کہنا تھا کہ جس چیز کا وفاقی کابینہ میں شور ہو تو سمجھیں ان کو خوف اور بوکھلاہٹ ہے،وفاقی کابینہ میں عوام کے مسائل اٹھانے کے بجائے اپوزیشن کے جلسے پر بات ہوتی ہے۔